សត្វទាំងឡាយទៀងតែនឹងស្លាប់គ្រប់ប្រាណ
ព្រោះថាជីវិតរបស់សត្វទាំងឡាយ
សុទ្ធតែមានសេចក្តីស្លាប់
នៅខាងចុងបំផុត គ្រប់ៗប្រាណ
ម្យ៉ាងទៀត សត្វទាំងឡាយ
រមែងកាន់យកនូវផលបុណ្យ ផលបាប
ហើយនឹងទៅតាមយថាកម្ម
គឺទៅតាមគួរដល់អំពើល្អ
និងអាក្រក់ដែលខ្លួនបានធ្វើ
អ្នកដែលធ្វើបាប រមែងធ្លាក់ទៅសោយទុក្ខក្នុងនរក
ចំណែកខាងអ្នកធ្វើបុណ្យ រមែងឡើងទៅកាន់សុគតិភព
ព្រោះហេតុដូច្នោះហើយ
សាធុជន អ្នកមានចំណង់
ចង់បានសេចក្តីសុខដល់ខ្លួន
គួរតែប្រញាប់ប្រញាល់ធ្វើអំពីបុណ្យ
ដែលជាគុណគឺអ្នកប្រាជ្ញតែងរាប់អាន
ឲ្យបានជាកិច្ច គឺខ្លួនត្រូវកសាងសន្សំ
គ្រាន់បានជាទីពឹងទៅក្នុងភពខាងនាយ
ព្រោះថា បុណ្យទាំងឡាយ តែងជាទីពឹងពំនាក់
របស់សត្វទាំងឡាយ ក្នុងបរលោក។
0 comments:
Post a Comment